ភ្នំពេញ៖ មន្ត្រីនគរបាលតាមស្នងការដ្ឋាននគរបាលរាជធានី-ខេត្ត ចំនួន ៥៩នាក់បន្ថែមទៀតត្រូវបានក្រសួងមហាផ្ទៃបណ្តេញចេញពីក្របខណ្ឌ ដោយសារល្មើសវិន័យរបស់កងកម្លាំងនគរបាលជាតិ។ នេះបើតាមសេចក្តីប្រកាសចុះនៅថ្ងៃទី០១ ខែមីនា ឆ្នាំ២០២៤។
បើតាមអ្នកនាំពាក្យរងនៃក្រសួងមហាផ្ទៃ លោក ទូច សុខៈ មន្ត្រីនគរបាលទាំង ៥៩រូបនោះ ត្រូវបានបណ្តេញចេញពីក្របខណ្ឌដោយសារតែជាប់ពាក់ព័ន្ធនឹងការប្រើប្រាស់គ្រឿងញៀន។
ក្រសួងមហាផ្ទៃកាលពីថ្ងៃទី០១ ខែមីនា ឆ្នាំ២០២៤ ក៏បានចេញសេចក្តីប្រកាសអំពីការបណ្តេញចេញមន្ត្រីនគរបាលនៃអគ្គនាយកដ្ឋានអន្តោប្រវេសន៍ចំនួន ៨នាក់ផងដែរ ដោយមូលហេតុសុទ្ធតែពាក់ព័ន្ធនឹងការប្រើប្រាស់គ្រឿងញៀន។
សេចក្តីប្រកាសព័ត៌មានបញ្ជាក់ថា ប្រាក់បៀរវត្ស និងរបបឧបត្ថម្ភផ្សេងៗរបស់មន្ត្រីនគរបាលទាំងអស់នោះនឹងត្រូវកាត់ផ្តាច់ចាប់ពីខែមិថុនា ឆ្នាំ២០២៤ នេះទៅ៕
ព័ត៌មានជាច្រើនទៀតសម្រាប់អ្នក
